Habari Kitaifa

Shehena ya samaki wenye sumu kutoka nchini China wameteketezwa katika dampo la Pugu Kinyamwezi Jijini Dar Es Salaam.zoezi hilo lilofanyika jana Machi 11, 2019 limesimamiwa na Waziri wa Mifugo na Uvuvi, Luhaga Mpina. Samaki walioteketezwa wanafikia Tani 11 ambapo inaelezwa thamani yake ni zaidi ya TSh Milioni 60 milioni, ni baada ya kubainika kuwa samaki hao wana kemikali ya Zebaki yenye madhara kwa jamii na inaweza sababisha Saratani na kuharibu uzazi.

Mkuu Wa mkoa wa Tabora Agrey Mwanry ametoa muda wa wiki moja kwa wajasiliamali ambao hawajalipia vitambulisho kufanya hivyo haraka  baada ya kuisha kwa muda uliopangwa ili kuepukana na usumbufu utakaojitokeza.Maagizo hayo ameyatoa jana katika kata ya mpela wakati akizungumza na wananchi wa kata hiyo ambapo amesema kuwa muda uliotolewa hapo awali ulikuwa mwezi mmoja ambao umemalizika mnamo tarehr 9 mwezi huu.

Kwaupande wake diwani wa kata hiyo ambaye pia ni mstahiki meya wa manispaa ya Tabora Leopard Ulaya amewataka wananchi kujitokeza kuchukua vitambulisho kabla ya nguvu ya jeshi kutumika nakuwa miradi ya maendeleo inaendelea kutekelezwa katika maeneo yao.Naye mkuu wa jeshi la polis wilaya OCD John Mfinanga amewatahadharisha wajsiliamali kutii sheria bila shuruti nakuwa watakapo pokea maagizo watatekeleza kwamjibu wa sheria.

Wakati huohuo Watu watatu wilayani Muleba mkoani Kagera akiwemo mwenyekiti wa serikali ya kijiji cha Lutolo katika kata ya Ngenge wamekutwa wakitengeneza vitambulisho bandia vinavyofanana na vile vinavyotolewa na serikali.Mkuu wa wilaya hiyo Richard Ruyango amesema watu hao wamekamatwa na kamati ya ulinzi na usalama ya wilaya hiyo baada ya kupata taarifa kutoka kwa wananchi.

 Amewataja watu wengine waliokamatwa kuwa ni pamoja na mtoto wa mwenyekiti Mganyizi Edison aliyekutwa na vifaa vyakutengeneza vitambulisho ambavyo ni komputa mpakato na karatas na benson Amon askari wa jeshi la akiba aliyekuwa akiviuza kwa machinga kwa Tsh.7000 kwa kila kitambulisho.

Rais wa Jamhuri ya Muungano wa Tanzania, Dkt. John Pombe Magufuli jana tarehe 03 Machi, 2019 amefanya mabadiliko madogo ya Baraza la Mawaziri.

Katika mabadiliko hayo Rais Magufuli amemteua Balozi Dkt. Augustine Mahiga kuwa Waziri wa Katiba na Sheria.Kabla ya uteuzi huo, Dkt. Mahiga alikuwa Waziri wa Mambo ya Nje na Ushirikiano wa Afrika Mashariki. Rais Magufuli amemteua Prof. Palamagamba Kabudi kuwa Waziri wa Mambo ya Nje na Ushirikiano wa Afrika Mashariki.Kabla ya uteuzi huo Prof. Kabudi alikuwa Waziri wa Katiba na Sheria.

Mkuu wa Wilaya ya Newala, Aziza Mangosongo na watu wengine watatu wamenusurika kifo baada ya gari walilokuwa wamepanda kupata ajali na kupinduka.Tukio limetokea eneo la Mandawa jana saa mbili usiku wilayani  Kilwa Mkoa wa Lindi  wakati mkuu huyo akiwa safarini kwenda Dar es Salaam.

Kaimu Mganga Mfawidhi wa Hospitali ya Sokoine, Muhaji Mohamedi  amesema amepokea majeruhi wanne  ambao ni Aziza Mangosongo, Mwanahamisi  Naenda, mkazi wa Kitangali, Zaituni Lipau  na Jasiri Nguru.Amesema wanatarajia kuwapa rufaa majeruhi kwenda Hospitali ya Taifa ya Muhimbili  kwa matibabu  zaidi.Kaimu Kamanda wa Polisi Mkoa wa Lindi, Renatus Chalya amethibitisha kutokea kwa tukio hilo na kusema  dereva Daudi  Kakulilo wa gari hilo la Serikali anashikiriwa  na polisi kwa mahojiano.

Mwanafunzi wa darasa la pili katika Shule ya Msingi Makoteni Wilaya ya Tunduru mkoani Ruvuma, Bimwana Saleh (12) amefariki baada ya kuliwa na mamba katika mto Ligoma wakati akifua nguo na mama yake.Mkuu wa wilaya ya Tunduru, Mkoani Ruvuma, Juma Homera amemuagiza ofisa wanyamapori wa wilaya hiyo kumuua mamba huyo ili kuwanusuru wananchi na tishio la kundelea kujeruhiwa na kuuawa na mamba.

Homera amesema hayo wakati akizungumza na wananchi wa kijiji cha Makoteni muda mfupi baada ya kuitembelea familia ya Mtoto Bimwana Salehe (12) aliyepoteza maisha baada ya kujeruhiwa na mamba na kutoa pole kwa wafiwa.Aidha,Homera amewataka wakazi wa kitongoji hicho kuchukua tahadhari na kujenga tabia ya kwenda wakiwa katika makundi wanapokwenda kuchota maji au kufua katika mto huo.

Amesema utaratibu wa kwenda watu wengi kwa pamoja mtoni utawasaidia kuokoana endapo ikitokea mmoja wao kuvamiwa.Mtendaji wa kijiji cha makoteni Ajili Mbemba amemueleza mkuu wa wilaya kuwa watu wawili wamekwishapoteza maisha na wengine watano walijeruhiwa kwa kushambuliwa na mamba katika eneo hilo katika kipindi cha Julai 2018 hadi Februari mwaka huu.

Kwa mujibu wa Mbemba waliopoteza maisha ni Furaha Mtindinganya (15) aliyekufa mwanzo mwa mwezi Januari mwaka huu na Bimwana Hashim aliyepoteza maisha Februari 26 mwaka huu.Aidha Mbemba amewataja waliojeruhiwa na mamba hao na kusababishiwa vilema vya maisha katika eneo la mto huo kuwa ni Shabilu Mohammed (8), Muhdini Dhabiti(29), Katrimu Juma (11), Saidi Issa (19) na merina Omari (15).

Akizungumzia hali hiyo Kaimu Ofisa Wanyamapori wa Wilaya ya Tunduru Limbega Ali pamoja na kukiri kuwepo kwa matukio hayo amesema kuwa tayari amekwishatuma askari wenye silaha kwa ajili ya kwenda kumsaka na kumuua mamba huyo ili asiendelee kuleta madhara kwa watu.

Watu watano, akiwamo Mkurugenzi wa Halmashauri ya Itigi, Pius Luhende, wanashikiliwa na Jeshi la Polisi mkoani Singida, wakituhumiwa kusababisha kifo cha mfugaji Peter Chambalo, anayedaiwa kupigwa risasi akiwa kanisani.

Msemaji wa Jeshi la Polisi nchini, Ahmed Msangi, amesema tukio hilo limetokea juzi na kueleza kuwa mpaka sasa, wanaoshikiliwa ni watu  watano akiwamo mkurugenzi huyo.

Msangi amewataja watuhumiwa wengine wanaoshikiliwa kuwa ni askari wanyamapori wawili, mmoja kutoka Mamlaka ya Wanyamapori (Tawa) na mwingine kutoka Halmashauri ya Ipigi, mwanasheria na mtendaji wa kata.

Ameongeza kuwa, wakati wa vurugu hizo, inadaiwa askari walifyatua risasi na kumjeruhi mtu huyo ambaye alifariki dunia.

Spika wa Bunge, Job Ndugai ameiagiza Serikali kutoa kauli kuhusu mauaji ya watoto yanayoendelea mkoani Njombe kabla ya kuahirishwa kwa mkutano wa Bunge Ijumaa Februari 8, 2019.

Ametoa kauli hiyo bungeni jijini Dodoma jana Jumatatu Februari 4, 2019 kufuatia mwongozo ulioombwa bungeni na mbunge wa Lupembe (CCM), Joram Hongole aliyetaka Bunge kuahirisha shughuli zake ili kujadili mauaji hayo.Mbunge huyo amesema taharuki imezuka mkoani Njombe na shughuli za uchumi zimesimama baada ya mauaji ya watoto chini ya miaka 10 wapatao saba.

Waziri wa Nchi katika Ofisi ya Waziri Mkuu, Jenista Mhagama amesema jambo hilo ni zito na serikali inajiandaa ili kutoa ripoti ya uchunguzi.Akijibu mwongozo huo, Spika Job Ndugai amesema ni jambo kubwa linalohuzunisha na kusikitisha na kuagiza kabla Bunge kuahirishwa wanataka kupata maelezo ya juu ya nini kinachoendelea mkoani humo na kisha kuangalia nini cha kufanya.

Katika hatua nyingine Spika wa Bunge, Job Ndugai, ameagiza serikali kufanyia kazi kwa haraka suala la kuanzisha bima ya afya moja ili wananchi wote wapate huduma pindi wanapohitaji kama ilivyo kwa nchi ya Ghana na Rwanda.

Ndugai alitoa agizo hilo jana bungeni baada ya majibu ya serikali kuhusu mchakato wa kuanzisha bima hiyo.Awali, Naibu Waziri wa Afya, Maendeleo ya Jamii, Jinsia, Wazee na Watoto, Dk. Faustine Ndugulile, alisema wizara hiyo imeandaa mapendekezo ya kuanzisha bima ya afya moja na kuwasilishwa katika ngazi mbalimbali za maamuzi serikalini.

Mahakama ya Hakimu Mkazi Kisutu imeiahirisha kesi ya uchochezi inayomkabili Mwenyekiti wa CHADEMA, Freeman Mbowe na wenzake.Kesi hiyo iliyokuwa inasikilizwa na Hakimu Mkazi Mkuu, Wilbard Mashauri ambaye ameteuliwa kuwa Jaji, ilitajwa jana mbele ya Hakimu Mfawidhi, Kevin Mhina.

Wakili wa Serikali, Wankyo Simon ameieleza mahakama kuwa shauri hilo limeitishwa kwa ajili ya kutajwa na wana rufaa maalum ambayo bado haijasikilizwa, hivyo wanaomba ahirisho.

Baada ya kueleza hayo, Hakimu Mhina ameahirisha kesi hiyo hadi February 14, 2019 kwa ajili ya kutajwa.

Mbali na Mbowe, washtakiwa wengine ni Mbunge wa Tarime Mjini, Esther Matiko, Mbunge wa Iringa Mjini, Peter Msigwa, Mbunge wa Kibamba, John Mnyika, Katibu wa Chadema, Dk. Vincent Mashinji, Mbunge wa Bunda, Ester Bulaya na Katibu wa Chadema Zanzibar, Salum Mwalimu.Wote kwa pamoja wanakabiliwa na mashtaka 13, ikiwemo kula njama, kufanya mkusanyiko wenye ghasia, kuhamasisha hisia za chuki, kushawishi hali ya kutoridhika, uchochezi na kushawishi utendaji wa kosa la jinai kati ya February Mosi na 16, mwaka huu maeneo ya Dar es Salaam.

Mkutano wa kumi na nne wa Bunge la kumi na moja umeendelea Dodoma ambapo Spika wa Bunge la Tanzania Job Ndugai amelieleza Bunge kwamba hadi sasa Ofisi yake imeshamlipia gharama za matibabu pamoja na stahiki zake Mbunge wa Singida Mashariki Tundu Lissu jumla ya shilingi Milion 250 ambapo ametoa onyo la kumtaka Mbunge huyo kuacha mara moja kuendelea kuiongopea jamii kwamba Bunge halijatoa hata senti.

Kwa upande wake Tundu Lissu katika mahojiano na chombo kimoja cha habari cha kimataifa hapo jana amesisitiza kuwa Bunge la Tanzania halijawahi kutoa hata senti moja kugharamia matibabu yake.Lissu amesema pesa hizo ni zile za michango ya wabunge pamoja stahiki zake yaani mshahara na posho kama ilivyo kwa wabunge wote

Katika hatua nyingine Wabunge wameitaka Serikali kuangalia upya adhabu zilizowekwa katika Muswada wa Sheria ya Maji na Usafi wa Mazingira, ikiwemo mtu atakayepatikana kwa kosa la matumizi ya mabaya ya maji kutozwa faini ya kati ya Sh5milioni hadi Sh10 milioni.Akiwasilisha maoni ya kambi ya upinzani bungeni  msemaji wa kambi hiyo, Hamidu Bobali amesema faini zilizowekwa katika makosa hayo ni kubwa  ukilinganisha na uzito wa kosa ambalo lingehitaji tu kuelimishwa.

Amesema kifungu cha 65 cha muswada huo kinaozungumzia makosa ya kutumia maji kinyume na matumizi yaliyoainishwa ambapo adhabu imeainishwa kuwa faini ya kiasi cha Sh5milioni au kifungo kisichopungua miezi sita.Pia amesema kifungu cha 66 cha muswada huo kimebainisha kuwa adhabu kwa makosa kama ya kuosha au kufua na kuoga na kusababisha au kuruhusu kitu kuingia kwenye miundombinu ya maji ni faini ya Sh 50,000 au isiyozidi Sh 1milioni au kifungo cha mwezi mmoja.

Wananchi mkoani Tabora wameshauriwa kujitokeza kupata elimu ya sheria itakayowasaidia katika kutatua masuala mbalimbali yanayojitokeza katika maisha yao ya kila siku.

Hapo jana January 31 2019 ilikuwa ni siku ya kwanza katika wiki ya msaada wa kisheria Sumera Manoti mtendaji wa mahakama amezungumza na radio uhai fm ambapo amewataka wananchi kujitokeza katika viwanja vya chipkizi vilivyopo katika manispaa ya Tabora ili kupata msaada huo kutoka kwa wataalam wa sheria.

Bw Manoti  amesema kuwa katika wiki hii ya msaada wa kisheria wananchi ndiyo wadau wakuu kwani wengine hukosa haki zao za kisheria kutokana na kutofahamu utaratibu akitolea mfano wa malalamiko ya raia kutoshiriki kikamilifu kutoa ushahidi pale wanapotakiwa kufika mahakamani .

Bi Aisha Abdalah ambaye yeye ni afisa utumishi mahakama ya Tabora amesema kuwa msaada wa kisheria unaotolewa siyo tu wa kuwasaidia katika kesi mahakamani bali pia katika maisha ya kila siku nakuwa watu wamekuwa wakiogopa kufika mahakamani kupata msaada huo. Wiki ya huduma ya msaada wa kisheria imeanza janza January 31 na itahitimishwa February 6 2019 ikilenga zaidi kuwaelimisha wananchi kuhusu haki zao.